“Liverpul”un dünya şöhrətli ulduzu və inanclı müsəlman olan Sadio Mane gələcək həyat yoldaşına irəli sürdüyü tələblər barəsində söz açıb.
İSLAM.AZ xəbər verir ki, daha öncə portuqaliyalı Kriştianu Ronaldunun sürdüyü həyat tərzini bəyənmədiyini söyləyən Mane, çox sayda qızın ondan nə üçün ailə həyatı qurmaması barədə soruşurlar:
– Bağışlayın, amma siz vaxtınızı boş-boşuna itiririsiniz. Mən ailə həyatı qurduğum xanım sosial şəbəkələrdə olmayacaq. Mən Yaradanın əmrlərinə müti olan və ibadəti sevən biri ilə evlənmək arzusundayam.
Qeyd edək ki, əslən seneqallı olan futbolçu əldə etdiyi uğurlara və şöhrətə rəğmən kifayət qədər təvazökardır. Hər vurduğu qolu isə Mane Allaha şükür edərək səcdə ilə qeyd edir.
