Həzrət Mühəmmədin (s) Allah tərəfindən peyğəmbərliyə təyin edildiyi gün “məbəs bayramı” kimi qeyd edilir.
Bu il yanvar ayının 27-dən 28-nə keçən gecə məbəs gecəsi, yanvarın 28-si isə məbəs bayramıdır.
Məbəs gecəsinin müstəhəb əməlləri bunlardan ibarətdir:
- Qüsl almaq.
- İmam Əlini (ə) ziyarət etmək (Nəcəfdə olmayanlar evdən də ziyarətnamə oxuya bilərlər).
- İşa namazını bitirdikdən sonra, gecə yarısına kimi müddətdə 12 rükət namaz qılmaq. Bu, 6 ədəd ikirükətlik namaz şəklində qılınır. Hər rükətdə “Fatihə” və bir qısa surə oxunur.
Namazı bitirdikdən sonra “Fatihə”, “Fələq”, “Nas”, “İxlas”, “Kafirun”, “Qədr” surələrini və ayətül-kürsini 7 dəfə oxumaq lazımdır.
Bundan sonra isə aşağıdakı dua oxunur:
“Əlhəmdu lillahil-ləzi ləm yəttəxiz vələda. Və ləm yəkun ləhu şərikun fil-mülk. Və ləm yəkun ləhu vəliyyun minəz-zulli və kəbbərhu təkbira. Allahummə inni əs’əlukə biməaqidi izzəkə əla ərkani ərşik. Və muntəhər-rəhməti min kitabik. Və bismikəl-ə’zəmil-ə’zəmil-ə’zəm. Və zikrikəl-ə’lal-ə’lal-ə’la. Və bikəlimatikət-tammati ən tusəlliyə əla Muhəmmədin və alih. Və ən təf’ələ bi ma əntə əhluh”.
Bu namaz insanın 60 illik ibadətinə bərabər tutulur.
Məbəs gününün müstəhəb əməlləri isə bunlardır:
- Qüsl almaq.
- Oruc tutmaq.
- Çoxlu salavat söyləmək.
- Peyğəmbəri (s) və Həzrət Əlini (ə) ziyarət etmək.
- 12 rükət namaz qılmaq (6 ədəd ikirükətlik namaz şəklində). Hər rükətdə bir dəfə “Fatihə” və “İxlas” surəsi oxumaq. Namazı bitirdikdən sonra “Fatihə”, “İxlas”, “Fələq” və “Nas” surələrinin hərəsini 4 dəfə oxumaq. Ardınca bu duanı 4 dəfə oxumaq:
“La ilahə illəllah. Vallahu əkbər. Və subhan Allah. Vəlhəmdu lillah. Və la hovlə və la qüvvətə illa billahil-Əliyyil-Əzim. Allahu Allahu rəbbi la uşriku bihi şey’a. La uşriku birəbbi əhəda”.
Məbəs gecəsinin və gününün digər müstəhəb ibadətləri də vardır; bunlar müvafiq kitablarda izah edilib.
