Kərbəlada Beynəlxalq Quran Müsabiqəsi keçirilir
Kərbəla şəhərində “Əl-Əmid” Qurani-Kərim Tilavəti üzrə Beynəlxalq Müsabiqənin ikinci mərhələsi start götürüb.
Az.shafaqna.com IQNA-ya istinadən xəbər verir ki, yarış Həzrət Abbas (ə) Hərəminin dəstəyi ilə keçirilir.
2-ci mərhələnin başlaması mübarək Ramazan ayının başlaması ilə üst-üstə düşüb. Bu mərhədə 22 ölkədən olan şəxslər iştirak edir.
Müsabuqə iki qrup üzrə davam edir: gənclərə və böyüklər. Gənclər qrupunda 10 nəfər, böyüklər qrupunda isə 30 nəfər iştirakçı var.
Ərəb, Asiya və Afrika ölkələrindən, o cümlədən də İraq, İran, İndoneziya, Əfqanıstan, Malayziya, Misir, CAR, Hindistan və digər ölkələrdən olan qarilər müsabiqədə iştirak edirlər.
Hərəmin Quran Elmi Şurasının sədri Əla əl-Musəvi bildirib ki, beynəxalq komitə beynəlxalq standartlara uyğun keçirilən müsabiqənin gedişatını izləyir.
Qeyd edək ki, “Əl-Əmid” Beynəlxalq Quran Tilavəti Müsabiqəsi Həzrət Abbas (ə) Hərəminin təşəbbüsüdür. Məqsəd isə Quran mədəniyyətinin təbliğidir. Müsabiqənin ilk turu 2024-cü ilin Ramazan ayında 21 ölkənin iştirakı ilə keçirilmişdi.
