Novruz bayramınız mübarək!
Novruz Şimal yarımkürəsində astronomik yazın başlandığı, gecə-gündüz bərabərliyi günündə (martın 20-si, 21-i və ya 22-də) keçirilir.
Bir sıra xalqlar yaz fəslinin gəlməsini təbiətin canlanması ilə bağlayıb, bu münasibətlə şənliklər keçirib, onu yeni ilin başlanğıcı kimi bayram ediblər. Qədim zamanlardan başlayaraq İran, Əfqanıstan, Tacikistan, Özbəkistan və bəzi başqa şərq xalqları ilə yanaşı, Azərbaycan türkləri də baharın – yeni ilin gəlişini şənliklərlə qarşılayırlar.
2009-cu il sentyabrın 30-da Novruz UNESCO tərəfindən qeyri-maddi mədəni irs siyahısına daxil edilib, 23 fevral 2010-cu ildə isə BMT martın 21-ni “Beynəlxalq Novruz Günü” elan edib.
Azərbaycanda da bu bayram böyük təntənə ilə qeyd olunur.
Əziz oxucularımız! İslam.az kollektivi siz əzizləri Novruz bayramı münasibəti ilə təbrik edir. Sizə və yaxınlarınıza xoşbəxtlik, səadət, əmin-amanlıq, iman, Allah sevgisi və Allaha aparan yolda sabit qədəmlər diləyirik!
Ömrünüz bahar kimi təravətli olsun!
Bayramınız mübarək!
