Hansı dinlərdə donuz ətinin yeyilməsi haram sayılır?

Donuz əti İslam dinində yeyilməsi qəti surətdə haram olan qidadır. Donuz əti yeməyin qadağan olması Quranın bu ayəsində açıq-aşkar surətdə bildirilir: “O (Allah), sizə ölmüş heyvanı, qanı, donuz ətini, Allahdan başqasının adı ilə kəsilənləri yeməyi qətiyyətlə haram etmişdir…” (Bəqərə, 173). Həmçinin, “Nəhl” surəsinin 115-ci, “Maidə” surəsinin 5-ci və “Ənam” surəsinin 145-ci ayələrində də donuz ətini yeməyin haramlığı vurğulanır.

Qurandan əlavə, “Bibliya”da da donuz əti haram qidalar sırasında qeyd edilir. Tövratda deyilir: “Donuz qoşadırnaqlı heyvandır, amma gövşəmir. Onlar (donuzlar) sizdən ötrü pak heyvanlar deyil, onların ətini yeməyin, leşlərinə də toxunmayın” (Təsnıyə, XIV, 7-8; Levit, XI, 8). Yəhudilər də buna əsasən donuz əti yemirlər.

Bundan əlavə, xristianlığın bəzi qollarında (Yeddinci günün adventistləri, Efiopiya pravoslav kilsəsi) da donuz ətini yemək qadağan sayılır.