İyulun 28-nə keçən gecə İmam Baqirin (ə) şəhadətinin ildönümüdür

/ Bazar ertəsi, 27 İyul 2020 11:10
İyulun 28-nə keçən gecə İmam Baqirin (ə) şəhadətinin ildönümüdür

Bu gecə (bu il iyulun 28-nə keçən gecə) İmam Baqirin (ə) şəhadətinin ildönümüdür. İmam Baqir (ə) hicrətin 57-ci ilində Mədinə şəhərində dünyaya gəlmişdir. Atası İmam Zeynül-abidinin (ə) vəfatı vaxtı (hicrətin 96-cı ilində) otuz doqquz yaşı var idi.

Adı Məhəmməd, künyəsi Əbu Cəfər, ləqəbləri Baqir, Baqirül-ülum olmuşdur. Anası İmam Həsənin (ə) qızı Ümmü Abdullah olmuşdur. Buna görə də, İmam Baqir (ə) həm ata, həm də ana tərəfdən Həzrət Əli (ə) və xanım Zəhranın (s. ə) nəslinə yetişən ilk şəxs olmuşdur. İmam Baqir (ə) hicrətin yüz on dördüncü ilində, Zilhiccə ayının 7 də Mədinə şəhərində vəfat etmiş, məşhur Bəqi qəbristanlığında atası və babasının qəbirləri kənarında dəfn olunmuşdur. O Həzrətin İmamət dövrü on səkkiz il olmuşdur.

Aşağıda adları çəkilmiş xəlifələr İmam Baqirin (ə) İmaməti dövründə onun həməsri olmuşlar:

Vəlid ibn Əbdülməlik (86-96 h.q);

Süleyman ibn Əbdülməlik (96-99 h.q);

Ömər ibn Əbdüləziz (99-101 h.q);

Yezid ibn Əbdülməlik (101-105 h.q);

Hişam ibn Əbdülməlik (105-125 h.q);

Xatırladaq ki, əziz məsum İmamımızın (ə) və digər məsumların (ə) Bəqi qəbristanlığında olan məzarları dağıdılmışdır.

Please publish modules in offcanvas position.