Avropa İttifaqı İsraildən Fələstin ərazilərinin ilhaq edilməsini dayandırmağa çağırıb

/ Çərşənbə, 20 May 2020 14:33
Avropa İttifaqı İsraildən Fələstin ərazilərinin ilhaq edilməsini dayandırmağa çağırıb

Avropa İttifaqı İsraildən Fələstin ərazilərinin özünə əlavə edilməsi planının dayandırılmasını tələb edib.

İslam.az İnterAz-a istinadla xəbər verir ki, bu barədə Aİ-nin xarici siyasət məsələləri üzrə ali rəsmisi Cozef Borrell açıqlama verib.

Aİ rəsmisi bldirib ki, Avropa İttifaqına üzv olan 27 dövlətdən 25-i İsrailə çağırış edən bəyanatı imzalayıb.

Aİ-nin bu bəyanatında İsraildən tələb edilib ki, beynəlxalq qərarlara əməl etsin və Fələstin ərazilərinin ilhaqı planını dayandırsın.

Qeyd edək ki, bundan öncə İsrail mətbuatı Aİ tərəfindən xüsusilə də Cozef Borrelin komandası tərəfindən İsrailə sanksiyaların tətbiq edilə biləcəyindən yazıblar.

Bildirək ki, İsrail yaxın həftələrdə işğalda olan İordan çayının qərb sahilindəki sonradan salınan 121 yəhudi yaşayış massivi üzərində, eləcə də İordan vadisi üzərində suverenliyini elan edəcəyini bildirib. Sözügedən ərazilər ABŞ prezidenti Donald Trampın “Əsrin sazişi” planında da İsrailin əraziləri kimi göstərilib. ABŞ İsrailin sözügedən addımını rəsmən tanımağa hazır olduğunu bildirib.

Əlavə edək ki, cari ramazan ayının son cüməsində müsəlman ölkələrində fələstinlilərin hüquqları və işğal altında olan Qüds şəhəri və əl-Əqsa məscidi ilə bağlı Beynəlxalq Qüds günü aksiyaları və tədbirlər keçiriləcək.

Please publish modules in offcanvas position.