Küveyt hökuməti Donald Trampın açıqlamasını təkzib etdi

/ Çərşənbə axşamı, 22 Sentyabr 2020 12:00
Küveyt hökuməti Donald Trampın açıqlamasını təkzib etdi

Küveyt hökuməti İsraillə münasibətlərin normallaşmasına dair ABŞ prezidenti Donald Trampın açıqlamasını təkzib edib.

Məlumatı İsrail KİV-i yayıb.

“Fələstin problemi ərəb və müsəlman dünyasının gündəlik məsələsidir. Problemin ədalətli və əhatəli həlli qərarı dedikdə müstəqil Fələstin dövlətinin yaradılması, işğalın dayandırılması və qaçqınların öz torpaqlarına qaytarılması nəzərdə tutulur”, - Küveyt hökumətindən bildirilib.

Açıqlamada həmçinin 1967-ci il iyunun 4-dəki sərhədlərə qayıtmadan, Şərqi Qüds paytaxt elan edilmədən, müstəqil Fələstin dövləti yaradılmadan ədalətli qərar qəbul edilə bilməyəcəyi vurğulanıb.

Qeyd edək ki, sentyabrın 19-da ABŞ prezidenti Donald Tramp bildirib ki, Birləşmiş Ərəb Əmirlikləri və Bəhreyndən sonra Küveyt də İsraillə münasibətlərin normallaşmasına dair müqavilə imzalayacaq.

Please publish modules in offcanvas position.