10 noyabrdan bəri minaya düşərək həlak olanların sayı açıqlanıb

/ Çərşənbə axşamı, 09 Fevral 2021 11:51
10 noyabrdan bəri minaya düşərək həlak olanların sayı açıqlanıb

Azərbaycan Respublikasının Baş Prokurorluğu vətəndaşları işğaldan azad edilmiş ərazilərə səfərlərdən çəkindirmək üçün növbəti dəfə müraciət ünvanlayıb. 

Baş Prokurorluğun Mətbuat xidmətindən verilən məlumata görə, müraciətdə deyilir:

“Təəssüflə bildiririk ki, dəfələrlə xəbərdarlıq edilməsinə baxmayaraq, insanların işğaldan azad edilmiş ərazilərdə minaya düşərək həlak olmaları və ya ağır dərəcəli bədən xəsarətləri almaları faktları hələ də baş verir. 

10 noyabr 2020-ci il tarixdən hazırkı vaxtadək işğaldan azad edilən ərazilərdə minaya düşmələri nəticəsində 5 hərbi qulluqçu, 9 mülki şəxs həlak olub, 52 hərbi qulluqçu, 8 mülki şəxs isə müxtəlif dərəcəli bədən xəsarətləri alıb.

Azad olunan ərazilərin minalardan təmizlənməsi işi başa çatanadək qanunsuz səfər hallarına yol vermiş şəxslər barəsində qanunvericilikdə nəzərdə tutulmuş ən ciddi tədbirlərin görülməsi təmin ediləcəkdir”.

Baş Prokurorluğun Mətbuat xidməti tərəfindən qeyd olunan məsələnin həssaslığı və əhəmiyyəti nəzərə alınaraq növbəti dəfə maarifləndirici videoçarx hazırlayıb:

Please publish modules in offcanvas position.