Kisa hədisi nədən bəhs edir?

/ Bazar ertəsi, 25 Yanvar 2021 10:38
Kisa hədisi nədən bəhs edir?

Oxucu sual verir: Kisa hədisi nədən bəhs edir?

Ərəb dilindən tərcümədə “kisa” əba, geyim deməkdir. İslam mənbələrindəki çoxsaylı hədislərə görə, bir gün Həzrət Mühəmməd Peyğəmbər (s) nəvələri Həsənlə Hüseyni (ə) öz əbasının (kisasının) altına almış, sonra Həzrət Əli (ə) otağa daxil olmuş və Peyğəmbər onu da kisanın altına dəvət etmişdi. Daha sonra Peyğəmbər Həzrət Fatiməni (ə) də kisanın altına almış və bu şəxslərin pak, məsum olmaları üçün Allaha dua etmişdi. Bu hadisədən sonra Əhzab surəsinin 33-cü ayəsi nazil oldu: “Ey əhli-beyt! Allah sizdən çirkinliyi (günahı) yox etmək və sizi tərtəmiz (pak) etmək istər!” Kisa hədisi həm şiə, həm də sünni mənbələrində böyük səhabələrin dilindən dəfələrlə qeyd edilmişdir. Bu hədis Əhli-beytin məsumluğu və üstünlüyü barədə ən məşhur dəlillərdən biri sayılır.

  • Xəbərlər
  • Məqalələr

Please publish modules in offcanvas position.