Məşədi Dadaş məscidi növbəti dəfə yardım aksiyası keçirib

/ Bazar ertəsi, 13 Aprel 2020 23:19
Məşədi Dadaş məscidi növbəti dəfə yardım aksiyası keçirib

Məşədi Dadaş məscidi dini icması növbəti dəfə yardım aksiyası keçirib. Məscidin gənc könüllüləri zəruri ərzaq payları hazırlayaraq imkansız ailələrin evlərinə çatdırıblar. Üç yüz ailəni əhatə edən aksiya koronavirus pandemiyasına qarşı tətbiq olunan xüsusi karantin rejimindən əziyyət çəkənlər üçün nəzərdə tutulub. Qeyd edək ki, son bir həftə ərzində bu aksiya sayca beşincidir.

İslam.az İnterAz-a istinadla xəbər verir ki,  Məscidin imamı ilahiyyatçı Hacı Şahin Həsənlinin bildirdiyinə görə, yardımlaşma insani və ilahi bir vəzifədir. İlahiyyatçı xeyriyyə aksiyasının təşkilində zəhmət çəkən hər kəsə öz dərin təşəkkürünü bildirib: "Son günlər tez-tez səslənən şüarlardan biri "biz birlikdə güclüyük" şüarıdır. Bu günlərdə hər kəs bacardığını əlindən edir, insanlıq nümunələri göstərir. Bu xüsusiyyətimizlə fəxr etməli və bu dəyərləri qorumalıyıq".

Please publish modules in offcanvas position.