Dəmir yolu xəttinin tikintisi planına düşən torpaqlar dövlət ehtiyacları üçün alınacaq

/ Çərşənbə axşamı, 23 İyun 2020 15:00
Dəmir yolu xəttinin tikintisi planına düşən torpaqlar dövlət ehtiyacları üçün alınacaq

Baş nazir Əli Əsədov torpağın alınmasını zəruri edən dövlət ehtiyacının və həmin torpaqları alan orqanın müəyyən edilməsi barədə qərar imzalayıb.

Nazirlər Kabinetindən Trend-ə verilən məlumata görə, qərara əsasən Bakı şəhərətrafı dəmir yolu xəttinin tikintisi altına düşən torpaqları dövlət ehtiyacları üçün alan orqan “Azərbaycan Dəmir Yolları” Qapalı Səhmdar Cəmiyyəti müəyyən edilir.

“Azərbaycan Dəmir Yolları” Qapalı Səhmdar Cəmiyyətinə tapşırılır ki, bu Qərarda nəzərdə tutulan torpaq sahələrinin dövlət ehtiyacları üçün alınması ilə bağlı hazırlıq tədbirlərini “Torpaqların dövlət ehtiyacları üçün alınması haqqında” Azərbaycan Respublikası Qanununun tələblərinə uyğun olaraq həyata keçirsin və bu barədə Azərbaycan Respublikasının Nazirlər Kabinetinə təkliflər təqdim etsin.

Please publish modules in offcanvas position.