Cənubi Sudanda sarı qızdırma epidemiyası yayılmağa başlayıb.
Axar.az xəbər verir ki, bu barədə Ümumdünya Səhiyyə Təşkilatı məlumat yayıb.
Bildirilir ki, Kajo Keji bölgəsində 2 nəfərdə epidemiyanın əlamətləri aşkarlanıb:
“Burada yaşayan əhalinin xəstəliyə qarşı immunitet sistemi çox zəifdir. Epidemiyaya qarşı vaksinlərin hazırlanmasına başlanılıb. İnsanların immunitet sisteminin zəif olması xəstəliyin yayılma ehtimalını artırır”.
Qeyd edək ki, ağcaqanadların dişləməsi nəticəsində keçən sarı qızdırma virusu yüksək hərarət, sarılıq, qarın ağrısı, qusma və qanaxmaya səbəb olur.