Böyük Britaniya müsəlmanların etirazlarını ciddiyə almadı
İndoneziyanın Xarici İşlər Nazirliyi bəyan edib ki, Böyük Britaniyanın Cakartadakı səfirliyi inzibatı binası üzərində LGBT bayrağı qaldırıb.
“Bu çox düşünülməmiş aksiyadır və İndoneziya cəmiyyətində polemikaya səbəb olur”, – İndoneziya XİN sözçüsü Teuku Faizşah bəyan edib.
XİN xarici nümayəndəliklərə İndoneziyanın mədəni dəyərlərinə, dininə və inanclarına hörmətlə yanaşmağın zəruriliyini xatırladıb.
Buna cavab olaraq Böyük Britaniya səfirliyi də əks-bəyanatla çıxış edir. Sənəddə ən diqqətçəkən məqam isə atılan addımdan heç bir peşmançılıq hissi olmamasıdır: “Bəzən düzgün hesab etdiyimizə qarşı çıxmalıyıq, hətta dostlar arasında fikir ayrılığı bunu namünasib etsə. Böyük Britaniya LGBT-nin hüquqlarını qorumaqda davam edəcək və onları qoruyanlara da dəstək göstərəcək. Biz hər bir diskriminasiyadan azad bir dünyada yaşamaq istəyirik”.
