Suriyadakı İmam Əli məscidində partlayış nəticəsində ölənlərin sayı beşə çatıb

Suriyada İmam Əli şiə məscidində baş verən partlayışda ölənlərin sayı 5-ə çatıb, 21 nəfər yaralanıb.

Bu barədə “Report” “SANA”ya istinadən xəbər verir.

“Əl-Ərəbiyyə”nin məlumatına görə, Homs şəhərinin rəsmiləri partlayışın məscidin içərisinə yerləşdirilmiş xüsusi hazırlanmış partlayıcı qurğu səbəbindən baş verdiyini təsdiqləyib.

Cinayətin motivləri və partlayışı törədən şəxslərin adları hələlik müəyyən edilməyib.