İslam dünyasıXəbərlər

ABŞ-ın soyqırımından sağ çıxan iranlı şagird İLİN MÜSƏLMANI seçilib

“500 nüfuzlu müsəlman” (Muslim500) nəşri İranın Minab şəhərində yerləşən “Şəcərət ət-Təyyibə” məktəbinə ABŞ-nin raket zərbəsindən sağ çıxan şagirdi “2027-ci ilin qadını” seçib. Hücum zamanı sinif yoldaşlarını və müəllimlərini itirən bu qız onlarla uşağın həyatına son qoyan faciənin səsinə çevrilib.

Az.shafaqna.com IQNA-ya istinadən xəbər verir ki, Minabda sağ qalan şagird ilin müsəlman qadını seçilib.

IQNA-nın “Muslim500” nəşrinə istinadən verdiyi məlumata görə, 2026-cı il fevralın 28-i səhər saatlarında Fatimə-Zəhra Şeyx-Abadi adlı şagird çantasını götürərək İranın cənubunda yerləşən Minab şəhərindəki “Şəcərət ət-Təyyibə” ibtidai məktəbinə yollanıb. O, dostları ilə məktəbin həyətində oynayarkən bir neçə dəqiqə sonra məktəbə iki Amerika raketi düşüb. Fatimə-Zəhra sağ qalsa da, onun bir çox sinif yoldaşı və müəllimi həlak olub.

Hər il İslam dünyasının ən nüfuzlu şəxsiyyətlərini seçən İordaniyanın “500 nüfuzlu müsəlman” (Muslim500) nəşri Fatimə-Zəhra Şeyx-Abadini “2027-ci ilin qadını” elan edib. Həmin il “İlin kişisi” adına isə Qəzzadakı “Kamal Advan” xəstəxanasının direktoru, “Ağ qəhrəman” kimi tanınan fələstinli həkim Husam Əbu Səfiyə layiq görülüb.

Nəşr vurğulayıb ki, bu ad Fatimə-Zəhraya, eləcə də həmin gün evlərinə qayıtmayan, hücumun qurbanı olan bütün şagirdlərə, müəllimlərə, rəfiqələrə, qadın müəllimlərə və valideynlərə həsr olunmalıdır.

Seçimin məhz onun üzərində dayanmasının səbəbi sağ qalması və baş verənləri dünyaya danışmağa qərar verməsidir. Onun səsi əbədi olaraq susdurulanların səsinə və yarımçıq qalan günahsız insan həyatlarının şahidliyinə çevrilməlidir.

Faciə günü Fatimə-Zəhra dostları ilə birlikdə məktəbin həyətində olarkən ilk raket zərbəsi endirilib. Qısa müddət sonra müəllimlər qorxu içində olan uşaqları namaz otağına (namazxanaya) aparmağa çalışdıqları, valideynlər isə övladlarını götürmək üçün artıq məktəbin girişində dayandıqları vaxt ikinci zərbə endirilib.

Daha çox göstər
Back to top button