İslam suallarda

Dinimizə görə xristian şəxsin bişirdiyi xörəyi yemək olarmı?

Oxucu sual verir

Xristian şəxsin bişirdiyi xörəyi yeməklə bağlı sualın iki tərəfinin olması mümkündür. Birinci problem xristian şəxsin bədəninin pak sayılıb-sayılmamasından ibarətdir. Əhli-sünnə məzhəbində üstün olan görüşə görə və müasir şiə müctəhidlərin rəyinə əsasən əhli-kitabdan olanların (o cümlədən, xristianların) bədəni pak sayılır; nəm halda bunlara toxunmağın, o cümlədən, onların nəm halda əli dəymiş xörəkləri yeməyin heç bir problemi yoxdur.
Məsələnin ikinci tərəfi əhli-kitabın bişirdiyi xörəklərin şəriət baxımından halal sayılmasındadır. Belə ki, xristian şəxsin bişirdiyi xörəkdə donuz əti, alkoqol kimi haram maddələrin, şəriətə uyğun kəsilməmiş heyvan ətinin olub-olmaması araşdırılmalıdır. Əgər müsəlmanlar üçün haram olan bu kimi maddələrdən istifadə edilmədiyi dəqiq məlum olarsa, o xörəyi yemək icazəlidir.

Daha çox göstər

Bir cavab yazın

Sizin e-poçt ünvanınız dərc edilməyəcəkdir.

Back to top button