Namazın zikrlərini neçə dəfə demək lazımdır və rükətlərdə zikrləri fərqli saylarda oxumaq olarmı?
Namazın vacib olan əməllərinin arasında rüku və səcdə mühüm yer tutur. Həm rüku, həm də səcdədə bədən aram olduqdan sonra zikr deyilməlidir. Rüku və səcdədə ən azı 3 dəfə “Sübhan Allah” zikri oxunmalıdır. Bunun əvəzinə rükuda “Sübhanə rəbiyəl-əzimi və bihəmdih”, səcdədə isə “Sübhanə rəbbiyəl-əla və bihəmdih” zikrini də demək olar. Zikrləri tək sayda söyləmək müstəhəbdir, onları istənilən qədər tək sayda təkrar etmək olar. “Sübhan Allah” zikrini 5 və ya 7 dəfə təkrar etməyin, digər uzun zikrləri 3 və ya daha artıq tək sayda söyləməyin böyük savabı var. Həmçinin, zikrlərdən sonra Peyğəmbərə və nəslinə salavat söyləmək də müstəhəbdir. Əgər vaxt darlığı varsa, o halda zikrlərin sayını azaltmaq məsləhətdir (ən azı 3 dəfə “Sübhan Allah” söyləmək və ya bu uzunluqda digər zikri demək şərti ilə). Rükətlərdə zikrlərin sayını fərqli etmək də icazəlidir. Məsələn, birinci rükətdə rükuda 3 dəfə “Sübhan Allah” söyləmək, ikinci rükətdə bu zikri 7 dəfə təkrar etmək və yaxud əvəzinə “Sübhanə rəbiyəl-əzimi və bihəmdih” demək olar. Amma unutmaq olmaz ki, zikrlərin sayını artırmaqla namazın savabı da artar.
