Çin və sairə bu kimi ölkələrdən gətirilən maye məhsullardan istifadə etmək olarmı?

İslam şəriətinə görə, əhli-kitab olmayan qeyri-müsəlmanların rütubətli halda toxunduğu əşyalar pak sayılmır. Onların bədəninə toxunan rütubətli əşyalar murdar sayılır və bunlara toxunan hər şeyə də murdarlıq ötürülür. Əgər insan bir əşyanın əhli-kitab olmayan qeyri-müsəlmanla rütubətli halda təmas etdiyini yəqin şəkildə bilirsə, həmin əşyaları pak saymamalı və onlarla rütubətli təmasdan çəkinməlidir. Bu əşyaları öz üzərində gəzdirərək namaz qılmaq olmaz, onlara rütubətli təmas edən hər şey pak olunmalıdır. Amma əgər həmin şəxslərin rütubətli təması yəqin deyilsə, sadəcə ehtimal olunursa, buna əhəmiyyət vermək lazım deyil. Məsələn, Çin və digər ölkələrdən gətirilən ətir və sairə məhsullar rütubətli sayılsa da, onların hazırlanma prosesində canlı təmas imkanı azdır. Adətən, ətir hazırlanması prosesi ya tam avtomatlaşdırılmış formada, ya da əlcəkli təmasla həyata keçirilir. Buna görə də bu cür məmulatlardan istifadə etmək olar. Məmulatın özü qeyri-pakdırsa (məsələn, şəriətə uyğun kəsilməyən heyvan əti, dərisi, alkoqol və s.), bu halda həmin məmulat qeyd-şərtsiz olaraq murdar sayılır və ondan çəkinmək lazımdır.