Yeni il bayramını qeyd etmək günahdırmı?

Öz-özlüyündə yeni miladi ilin gəlişini qeyd etməyin dinlə ziddiyyəti yoxdur. İnsanlar istifadə etdikləri miladi təqvim əsasında bir ilin başa çatıb, növbəti ilin gəlişini qeyd edirlər. Amma bu zaman bəzi nüanslara diqqət etmək lazımdır. Yeni il bayramının xristian dininə aid olan elementləri kənara qoyulmalı, bu bayram xristian bayramı kimi qeyd edilməməlidir. İkincisi, bayram təntənələri zamanı dini göstərişləri pozmaq olmaz. Yəni içki məclisi qurmaq, spirtli içkilər qəbul etmək, bayram süfrəsində israfa yol vermək, başqalarını narahat edəcək dərəcədə səs-küy yaradıb fişəng partlatmaq və s. günahdır. Yeni il əsasən uşaqların səbirsizliklə gözlədikləri bir bayramdır. Ona görə də bu bayramı qeyd edənlər yaxşı olar ki, əsasən uşaqları sevindirməyi, onlara hədiyyələr almağı ön plana keçirsinlər.