Əgər insan səfərdə ikən dörd rükətli namazları ixtisarla (qəsrlə) qılmasa, nə etməlidir?
Əhli-sünnə məzhəbinə görə insan səfərdə namazları bütöv və ya ixtisarla (qəsrlə) qılmaqda ixtiyar sahibidir. Şiə məzhəbinə görə isə, səfər hökmlərinə cavab verilən zaman dörd rükətli namazlar mütləq iki rükət şəklində qılınmalıdır. Əgər insan dörd rükətli namaz zamanı onu qısa qılmalı olduğunu unutsa, üçüncü rükətin rükusuna çatmadan bunu xatırlayarsa, namazı bitirməli, iki rükətli namazdan artıq hərəkətə yol veribsə, səhv səcdəsi etməlidir. Əgər üçüncü rükətin rükusuna çatdıqdan sonra bunu xatırlasa, namazı batil sayılır və onu yenidən qılmalıdır. Əgər bunu namaz vaxtı bitdikdən sonra xatırlasa, qəzasını qılmaq vacib deyil. Amma əgər insan şəriət hökmünə görə səfər sayılmayan halda namazı ixtisarla qılsa (bütöv qılmalı olduğu halda) və namaz halından çıxsa, qıldığı namaz batil sayılır və onu yenidən qılmalıdır. Çünki o, namazın rüknlərinin (zəruri əməllərinin) sayını azaltmışdır.
