Həzrət Əlinin (ə) həyatı ilə bağlı mənbələrdə rast gəlinən nakisin, qasitin və mariqin dəstələri kimdir?
Dini mənbələrdə əsasən Həzrət Əlinin (ə) zamanında baş evrmiş hadisələrin təsvirində bu üç ifadəyə rast gəlirik. O həzrətin xilafət illərində döyüşdüyü üç dəstə (qrup, cəbhə) bu adlarla adlandırılıb. Bu adların onlara Həzrət Mühəmməd Peyğəmbər (s) tərəfindən verildiyi şiə mənbələrində nəql edilib. Nakisin – Cəməl döyüşünün təşkilatçıları, qasitin – Siffeyn savaşının təhrikçiləri olan Müaviyə və tərəfdarları, mariqin – xəvaric tayfasıdır. İmam Əli (ə) Həzrət Peyğəmbərin (s) qabaqcadan verdiyi xəbər əsasında bu 3 dəstə ilə savaşmış, hər üçünə qalib gəlmişdir. Lakin bu 3 dəstə İslam dininin inkişafına ciddi zərbə vurmuş, İmam Əlinin (ə) dövlət idarəçiliyi və quruculuq sahələrində səy göstərməsinə maneçilik törətmişdi. Bu üç adın tərcüməsi belədir: nakisin – əhdi (beyəti) pozanlar, qasitin – fasiqlər (günahkarlar) və mariqin – oxun yaydan çıxması kimi dindən çıxanlar.
