İmamlar neçə il yaşayıb? Ən uzun və ən qısa ömür sürmüş imam hansıdır?

Mötəbər tarix kitablarında imamların həyatı ilə bağlı bütün vacib məlumatlar, o cümlədən onların ömür müddəti də qeyd edilib. Həmin məlumatlara görə (hicri-qəməri illər əsasında yuvarlaq götürsək), İmam Əli (ə) 63 il, İmam Həsən (ə) 47 və ya 48 il, İmam Hüseyn (ə), İmam Zeynülabidin  və İmam Mühəmməd Baqir (ə) hərəsi 57 il, İmam Cəfər Sadiq (ə) 65 il, İmam Musa Kazim (ə) və İmam Rza (ə) 55 il, İmam Mühəmməd Təqi (ə) 25 il, İmam Əli Nəqi (ə) 42 il, İmam Həsən Əskəri (ə) 28 il yaşamışlar. On ikinci imam Mehdi (ə) hicri 255-ci ildə doğulmuşdur və şiə inancına kimi diridir. Beləliklə, on iki imamın içində ən az yaşayan doqquzuncu imam Mühəmməd Təqidir (ə) – 25 il. Ən uzun ömür sürən imam isə on ikinci imam Mehdidir (ə). O, gözlərdən gizli şəkildə yaşayır və dünyanın sonuna yaxın zühur edəcək.